Muǵallimlerge húrmet hám jaslarǵa imkaniyat — mámleket keleshegi tiykarı
16.09.2025 Поделиться
Búgin, 16-sentyabr kúni Qaraqalpaqstan medicina institutında professor-oqıtıwshılar qatnasıwında gezektegi institut májilisi bolıp ótti.
✅ Májilisti Institut Rektorı O.Xalimov alıp bardı hám barlıq ustaz hám pedagoglardı jaqınlasıp kiyatırǵan bayram menen qutlıqladı.
🔹 Májiliste bilimlendiriwdiń sapasın jáne de arttırıw, professor-oqıtıwshılardıń ilimiy dárejelerin kóteriw, jas izertlewshilerge imkaniyat jaratıw, olardı ilimiy-dóretiwshilik dem alıslarǵa jiberiw hám de baspa jumısın kúsheytiw máselelerine ayrıqsha toqtap ótildi.
🔹 Sonday-aq, mámleketlik joybarlar, shet el grantları hám investiciyalar baǵdarında belsene qatnasıw, institut ushın qarjılandırıw dáreklerin keńeytiw zárúr ekenligi atap ótildi.
📖 Májiliste ayırım jumıslarǵa juwapkershiliksiz qatnasta bolıw jaǵdaylarına da baha berildi hám keleshekte bunday kemshiliklerdi tákirarlamaw qatań talap etiletuǵını atap ótildi.
💬 Búgingi ámelge asırılıp atırǵan jumıslar – medicina tarawı ushın “altın kadrlar”dı tayarlawda bekkem tiykar ekenligine itibar qaratıldı.
