1-oktyabr -Muǵallimler hám ustazlar kúni!
30.09.2025 ПоделитьсяQaraqalpaqstan medicina institutınıń rektoratı usı qutlı sáne múnásibeti menen kóp jıllar dawamında keleshek áwladlarǵa bilim berip, olardı insanıylıq hám kásipke sadıqlıq ruwxında tárbiyalaǵan, búgingi kúnde pensiyaǵa shıqqan nuraniy ustazlarımızdıń halınan xabar aldı.
Sapar dawamında veteran ustazlarımızdıń densawlıǵı, keypiyatı menen qızıqsındı, olarǵa institut jámáátiniń qızǵın tilekleri bildirildi. Kásiplik awqamı komiteti tárepinen tayarlanǵan bayram sawǵaları tapsırılıp, ustazlardan pátiyalar alındı.
Sáwbetlesiwler procesinde nuraniy ustazlarımızdıń júzlerindegi quwanısh, kózlerindegi qanaatlanıwshılıq hám shın júrekten kúlimsirewleri bul húrmettiń qanshelli ullı qádiriyat ekenin ayqın kórsetti.
✅ Bunday baslamalar tek ǵana ustazlarımızdıń kewlin shad etip qoymastan, al búgingi jas áwladqa da ibrat bolıp, olardı úlkenlerge húrmet hám izzet ruwxında tárbiyalawda úlken áhmiyetke iye.
Institut rektoratı barlıq ustazlardı bayram menen shın júrekten qutlıqlaydı, olarǵa bekkem densawlıq, baxıt hám mazmunlı ómir tileydi!
✏️QMI Baspasóz xızmeti.
▪️ ✅Telegram 🌐 Instagram ✅ Facebook📹 YouTube






