DOSTLÍQ HÁM BIRGE ISLESIW — INTELLEKTUAL BELLESIWLERDE!
14.11.2026 ПоделитьсяQaraqalpaqstan medicina institutında Jaslar awqamı baslanǵısh shólkemi jetekshisi hámde 2-medicina fakultetiniń jaslar máseleleri hám ruwxıy-aǵartıwshılıq isleri boyınsha dekan orınbasarınıń baslaması menen Ózbekstan mámleketlik dene tárbiyası hám sport universiteti Nókis filialı Jaslar awqamı jetekshisi menen birlikte dostlıq oyını shólkemlestirildi.
Ilaj sheńberinde eki joqarı bilimlendiriw mákemesiniń student-jasları arasında «Zakovat» intellektual oyını, sonday-aq shaxmat hám shashka jarısları ótkerildi.
Bellesiwler dawamında qatnasıwshılar óz bilimlerin, logikalıq oylaw qábiletin, strategiyalıq qatnasın hám zeyinliligin kórsetti.
Bul dostlıq ushırasıwı student-jaslar arasında birge islesiw baylanısların bekkemlew, intellektual potencialdı rawajlandırıw hámde bos waqıttı mazmunlı shólkemlestiriwge xızmet etti.







