INNOVACIYALÍQ IDEYALARDAN ÁMELIY STARTAPLARǴA!
11.11.2026 ПоделитьсяQaraqalpaqstan medicina institutında joqarı bilimlendiriw mákemesinde startap ekosistemasın rawajlandırıw, student-jaslardıń innovaciyalıq ideyaların qollap-quwatlaw hámde keleshegi bar startap joybarların ámelge asırıw imkaniyatlarına baǵıshlanǵan seminar shólkemlestirildi.
Seminarda Qaraqalpaqstan Respublikası Ministrler Keńesiniń Cifrlı texnologiyalar hám jasalma intellekt texnologiyaların rawajlandırıw bólimi bas qánigesi M. Alimov, Nókis Jaslar texnoparkı INNOX biznes-inkubator baǵdarlaması jetekshisi N. Qalbaeva, IT Park Qaraqalpaqstan startaplar boyınsha menejeri Sh. Utemisov hám instituttıń Talantlı studentlerdiń ilimiy-izertlew iskerligin shólkemlestiriw bólimi baslıǵı S. Seytnazarov qatnastı.
Ilaj dawamında Ózbekstan Respublikası Prezidentiniń 2026-jıl 11-fevraldaǵı PQ-59-sanlı qararı hámde Joqarı bilimlendiriw, ilim hám innovaciyalar ministrliginiń 2026-jıl 9-iyuldegi 287-sanlı buyrıǵınıń mazmun-mánisi, tiykarǵı maqset hám wazıypaları, sonday-aq bul hújjetlerdiń orınlanıwı sheńberinde elimizde ámelge asırılıp atırǵan jumıslar haqqında tolıq maǵlıwmat berildi.
Atap aytqanda, joqarı bilimlendiriw mákemelerinde startap ekosistemasın qáliplestiriw, jaslardıń ilimiy hám innovaciyalıq baslamaların xoshametlew, olardıń keleshegi bar ideyaların ámeliy joybarlarǵa aylandırıw hámde bul processte zárúr shólkemlestiriwshilik hám finanslıq kómek mexanizmlerinen paydalanıw máselelerine ayrıqsha itibar qaratıldı.
Seminar sheńberinde student-jaslardıń innovaciyalıq ideyaların islep shıǵıw hám rawajlandırıw, startap joybarların qarjılandırıw dereklerı, biznes-inkubatorlar iskerligi hám imkaniyatlarınan paydalanıw, IT Park penen birge islesiwdi keńeytiw, sonday-aq keleshegi bar joybarlardı ámeliyatqa engiziw máseleleri boyınsha pikir almasıldı.
Qatnasıwshılarǵa startap joybarların qáliplestiriw basqıshları, innovaciyalıq baslamalardı qollap-quwatlaw imkaniyatları hámde ideyalardı ámeliy nátiyjege baǵdarlawda sheriklik shólkemlerdiń orni haqqında túsinikler berildi.
