Ishki turizm – ruwxıylıq hám tariyxqa sayaxat!
18.08.2025 ПоделитьсяIshki turizmdi rawajlandırıw, institut xızmetkerleriniń bos waqıtların mazmunlı ótkeriw hámde olardıń ruwxıy-aǵartıwshılıq dúnyaqarasın keńeytiw maqsetinde Qaraqalpaqstan medicina institutı rektoratı hám institut kásiplik awqamı komitetiniń baslaması menen gezektegi sayaxat shólkemlestirildi.
📍Bul ret jol Xiywa qalasına boldı – áyemgi tariyx, bay mádeniyat hám ózine tán arxitekturalıq estelikleri menen belgili orın. Sapar dawamında institut xızmetkerleri Xiywanıń tariyxıy estelikleri, muzeyleri hám dıqqatqa ılayıq orınları menen tanısıp, óz bilimlerin jáne de bayıttı.
Bul sapar etiw tek ǵana sayaxat emes, al mádeniy-ruwxıy sabaq bolıp, xızmetkerler tariyxımızdıń tákirarlanbas betleri, ata-babalarımız jaratqan biybaha miyras haqqında jańa bilimlerge iye boldı.
️Rektorat hám kásiplik awqamı komiteti tárepinen jolǵa qoyılǵan bunday baslamalar institut xızmetkerleriniń jumıs nátiyjeliligin arttırıw, olardıń bir-biri menen doslıq ortalıǵında pikirlesiwine, sonday-aq, milliy qádiriyat hám tariyxıy miyrasımızdı tereńirek ańlawına xızmet etpekte.
Ishki turizmdi rawajlandırıw – bul tek ǵana sayaxat emes, al xalqımızdıń tariyxıy esteligin qásterlep saqlaw hám onı keleshek áwladlarǵa jetkeriw jolındaǵı úlken qádem bolıp esaplanadı.



