Jańalıqlar

JAŃA SHAŃARAQLÍQ TÁRBIYA KONCEPCIYASÍ: STUDENT-JASLAR MENEN SEMINAR ÓTKERILDI

20.11.2026

👁 1 marta ko‘rilgan

2026-jıl 19-noyabr kúni Qaraqalpaqstan medicina institutında «Jańa shańaraqlıq tárbiya koncepciyası»nıń mazmun-mánisin student-jaslar arasında keń úgit-násiyatlaw maqsetinde seminar-trening shólkemlestirildi.

Seminarda institut rektorınıń hayal-qızlar máseleleri boyınsha másláhátshisi Z. Erimbetova, Nókis qalası hákiminiń orınbasarı — Shańaraq hám hayal-qızlar bóliminiń baslıǵı Z. Dawletnazarova, institut profilaktika inspektorı T. Karlibaeva hám Informaciya-resurs orayınıń baslıǵı Q. Nawrizbaeva qatnastı.

Seminarda koncepciyanıń tiykarǵı baǵdarları, jaslardı shańaraqlıq turmısqa tayarlaw, shańaraqta óz-ara húrmet hám isenimdi bekkemlew, ata-analıq juwapkershilik hám perzent tárbiyası máseleleri boyınsha tolıq túsindirmeler berildi.

Ilaj student-jaslarda bekkem shańaraq qurıwǵa juwapkershilikli qatnastı hám shańaraqlıq qádiriyatlarǵa húrmetti qáliplestiriwge xızmet etti.

PHP Code Snippets Powered By : XYZScripts.com