Jańalıqlar

Keleshekke qádem — búginnen baslanadı!

24.03.2025

👁 3 marta ko‘rilgan

Búgin, 24-mart kúni, Qaraqalpaqstan medicina institutında Ózbekstan Respublikası Prezidentiniń 2025-jıl 14-fevraldaǵı PQ-61-sanlı qararınıń mazmun-mánisin jaslarǵa túsindiriwge qaratılǵan ilaj ótkerildi. Ilajǵa “Ózmilliybank” AJ “Keleshekke qádem” orayınıń direktorı Ǵ.Esnazarov hám instituttıń pitkeriwshileri qatnastı.

Instituttıń oqıw isleri boyınsha prorektorı M.Kurbanazarov bul qarar jaslardı jumısqa jaylastırıw hám ámeliy kónlikpelerdi rawajlandırıwǵa qaratılǵanın atap ótti.

Ilajda “Ózmilliybank” AJ hám institut arasında birge islesiwge kelisip alındı. Usı kelisim sheńberinde studentlerge tájiriybe arttırıw hám jumısqa jaylasıw imkaniyatları jaratıladı. Ilaj, mámleket hám bilimlendiriw sisteması arasındaǵı birge islesiwdi kúsheytip, jaslardıń bántligin jaqsılawǵa xızmet etedi.

Bul baslama, pitkeriwshilerge bilim hám ámeliy jumıs tájiriybesin berip, olardıń professional turmısqa tabıslı kirip keliwine járdem beredi.

PHP Code Snippets Powered By : XYZScripts.com