KEŃPEYILLIK — TÍNÍSHLÍQ HÁM AWÍZBIRSHILIKTIŃ TIYKARÍ
20.11.2026 ПоделитьсяQaraqalpaqstan medicina institutında «Keńpeyillik háptesi» sheńberinde student-jaslardıń qatnasıwında «Ózbekstan — ulıwma úyimiz» temasında aǵartıwshılıq ilajı ótkerildi.
Ilaj barısında elimizde túrli millet hám xalıq wákilleri arasında milletleraralıq tatıwlıq, óz-ara húrmet hám keńpeyillik principlerin bekkemlew, tınıshlıq hám awızbirshilikti saqlawdıń áhmiyeti haqqında sóz etildi.
Sonday-aq, student-jaslar menen milliy qádiriyatlardı qádirlew, túrli mádeniyat hám dástúrlerge húrmet penen qatnasta bolıw hám jámiyette doslıq hám awızbirshilik ortalıǵın bekkemlew boyınsha pikir alısıldı.
Keńpeyillik hám óz-ara húrmet — jámiyetimizde tınıshlıq, tatıwlıq hám birlikti bekkemleytuǵın áhmiyetli qádiriyatlar.







