«MUSHAYRA» DÓGEREGINIŃ ISKERLIGI JOLǴA QOYÍLDÍ
12.11.2026 ПоделитьсяQaraqalpaqstan medicina institutınıń hayal-qızlar máseleleri boyınsha dekan másláháchisi N. Jienbayevanıń baslaması menen student-jaslardıń ádebiyat hám poeziyaǵa bolǵan qızıǵıwshılıǵın qollap-quwatlaw maqsetinde «Mushayra» dógereginiń dáslepki jıyını bolıp ótti.
Dógerektiń tiykarǵı maqseti studentlerdiń bos waqtın mazmunlı shólkemlestiriw, kitapxanlıq mádeniyatın joqarı kóteriw, kórkem ádebiyatqa súyispenshilik oyatıw, sonday-aq poeziya hám ádebiy dóretiwshilikke bolǵan qábiletlerin rawajlandırıwdan ibarat.
Dógerek iskerligi «Bes áhmiyetli baslama» sheńberinde ámelge asırılatuǵın ruwxıy-aǵartıwshılıq, mádeniy hám dóretiwshilik joybarlar menen úylesimli túrde alıp barıladı. Shınıǵıwlar dawamında studentlerdiń kórkem shıǵarmalardı oqıwı, qosıq oqıw, dóretiwshilik oylawı hám óz talantların kórsetiwi ushın imkaniyatlar jaratıladı.
