Jańalıqlar

Qosımsha qabıllaw parametrleri boyınsha ushırasıw

29.09.2025

👁 2 marta ko‘rilgan

Ózbekstan Respublikası Bilimlendiriw shólkemlerine qabıllaw boyınsha Mámleketlik komissiyasınıń 2025-jıl 20-sentyabrdegi 79-5-sanlı bayanlamasına tiykarlanıp, turaqlı jasaw mánzili hám pitkeriwshi bilimlendiriw mákemesi Qaraqalpaqstan Respublikasında bolǵan, biraq 2025/2026-oqıw jılında studentlikke usınıs etilmegen jaslar ushın qosımsha imkaniyat jaratıldı.

🫥 Qosımsha qabıllaw parametrleri (tólemli-kontrakt) sheńberinde Qaraqalpaqstan medicina institutına 200 den aslam jaslar studentlikke usınıs etildi.

Búgin instituttıń 1- hám 2-fakultet dekanları usı qabıl etilgen studentler menen ushırasıw ótkerdi.

Ushırasıw dawamında dekanlar:

🔘Húrmetli Prezidentimiz tárepinen qaraqalpaqstanlı jaslarǵa jaratılǵan keń imkaniyatlar haqqında sóz etti;

🔘Búgin studentlikke qabıl etilgen jaslar da usı imkaniyatlardıń ayqın jemisi, dep atap ótti.

Bunnan soń studentler institut aymaǵı menen jaqınnan tanıstırıldı.

️Bul qarar jaslarımız ushın jańa perspektivalar esigin ashpaqta. Bul bolsa bilimli, maman hám watandı súyiwshi kadrlardıń qatarın jáne de keńeytiwge xızmet etedi.

Biz barlıq studentlerge ilim jolında áwmet, kúsh-ǵayrat hám joqarı sheklerdi tileymiz!

PHP Code Snippets Powered By : XYZScripts.com