SALAMAT TURMÍS TÁRIZI — DENSAWLÍQ GIREWI
10.11.2026 Поделиться10-noyabr kúni Qaraqalpaqstan medicina institutında student-jaslardıń qatnasıwında «Salamat turmıs tárizi» temasında úgit-násiyat ushırasıwı shólkemlestirildi.
Oǵan institut hayal-qızlar máseleleri boyınsha rektor másláháchisi Z. Erimbetova hám Qaraqalpaqstan medicina institutınıń Qayta tayarlaw hám bilimin jetilistiriw orayı qánigeleri qatnastı.
Ilaj dawamında salamat turmıs tárizdiń tiykarǵı principleri, durıs awqatlanıw, fizikalıq belsendilik, kún tártibine ámel etiw, jeke gigiyena hám zıyanlı ádetlerden alıs bolıwdıń insan densawlıǵın saqlawdaǵı áhmiyeti haqqında tolıq maǵlıwmat berildi.
Sonday-aq, student-jaslar menen tema boyınsha pikir almasılıp, olardıń sorawlarına qánigeler tárepinen juwaplar berildi. Salamat turmıs tárizine ámel etiw hár bir insannıń kúndelikli ádetine aylanıwı lazım ekenligi ayrıqsha atap ótildi.
