STUDENT-QÍZLAR QÁWIPSIZLIGI — TURAQLÍ ITIBARDA!
12.11.2026 Поделиться👁 0 marta ko‘rilgan
Qaraqalpaqstan medicina institutı 2-medicina fakultetiniń hayal-qızlar máseleleri boyınsha dekan másláháchisi N. Jienbaeva tárepinen student-qızlar jasap atırǵan ijara úylerindegi jasaw sharayatların úyreniw jumısları alıp barılmaqta.
Úyreniwler dawamında, ásirese, suwıq máwsimde júzege keliwi múmkin bolǵan qáwip-qáterlerge ayrıqsha itibar qaratılmaqta. Sonıń ishinde, turaq jaylardıń ısıtıw sisteması, gaz hám elektr úskeneleriniń sazlıǵı hám olardan qáwipsiz paydalanıw jaǵdayı kózden ótkerilmekte.
Sonday-aq, student-qızlarǵa órt hám iyis gazınan abaylı bolıw, turmıslıq texnikalardan paydalanıwda qáwipsizlik qaǵıydalarına ámel etiw boyınsha usınıslar berildi.
