Studentler áskerlerge jaratılǵan sharayatlar menen tanıstı
09.01.2025 ПоделитьсяQaraqalpaqstan medicina institutı studentlerdi watansúyiwshilik, ruwxıy jetik, márt insan etip tárbiyalaw maqsetinde keń kólemli ilajlardı ámelge asırmaqta.
Atap aytqanda, búgin, 9-yanvar kúni instituttıń Jaslar máseleleri hám ruwxıy-aǵartıwshılıq isler boyınsha prorektorı Z.Aleuov hám rektor máslahatshısı A.Allaniyazov basshılıǵında institut jaslar jetekshisi, tyutorlar hám student jaslar Nókis garnizonında jaylasqan Arqa-batıs áskeriy okrugine bardı.
Jaqınlasıp kiyatırǵan “14-yanvar Watan qorǵawshıları kúni” bayramı qarsańında ótkerilgen ilaj “Jańa Ózbekstan armiyası – mámleket tayanıshı, xalqımız maqtanıshı” degen iygilikli ideya tiykarında shólkemlestirildi.
Studentler múddetli áskeriy xızmetkerlerdiń bilim alıp atırǵan oqıw imaratları, teoriyalıq hám ámeliy shınıǵıw xanaları, áskeriy gospital hám okrugtiń tariyx muzeyi ekspoziciyaları menen tanıstı.
Muzeyde okrug ótmishi tariyxı, áskeriy eksponatlar, belgili sárkardalar, áskeriy xızmetkerler hám olardıń miynet iskerligi sáwlelengen maǵlıwmatlar menen tanısıp tásirlendi.






