Yaponiyalı birge islesiwshiler Qaraqalpaqstan medicina institutında
22.08.2025 Поделиться🇯🇵🇺🇿 Qaraqalpaqstan medicina institutına kelgen Juntendo universiteti delegaciyası instituttıń ózine tán infrastrukturası menen jaqınnan tanıstı.
️ 👨⚕️ Institutta tálim procesi basqıshpa-basqısh nátiyjeli jolǵa qoyılǵan:
• studentler sabaqlarda teoriyalıq bilimlerdi iyeleydi;
• keyin bolsa olardı zamanagóy Simulyaciya orayında bekkemleydi,
• sońınan shıpakerliktiń dáslepki ámeliy qádemlerin qoyıp, xirurgiyalıq ámeliyatlarǵa tayarlanadı.
💡 Bilimlendiriwdiń usı sistemalı qatnası sebepli institut pitkeriwshileri tek ǵana respublikamızda emes, al xalıqaralıq kólemde de básekige shıdamlı qánige bolıp jetilisip atır.
🔬 Ásirese, Yaponiyanıń tikkeley járdeminde 7,3 mln AQSh dolları bahasında qurılǵan Simulyaciya orayı jas shıpakerlerdiń ámeliy kónlikpelerin arttırıwda sheksiz áhmiyetke iye bolmaqta. Miymanlar oraydaǵı oqıw xanaları, laboratoriyalar hám klinikalıq bazalardıń jumısı menen jaqınnan tanıstı.
🤝 Juntendo universiteti professorı, kekselerge ǵamxorlıq etiw boyınsha qánige Yokoyama Etsuko institutimizdegi jumıslarǵa joqarı baha berip, keleshekte birge islesiwdi jáne de keńeytiwden quwanıshlı ekenin bildirdi.
🔑 Keleshekte birge islesiw tómendegi baǵdarlarda rawajlandırıladı:
• studentler hám professor-oqıtıwshılar almasıwı baǵdarlamaları,
• qospa ilimiy joybarlar hám xalıqaralıq grantlar,
• qospa klinikalıq oray shólkemlestiriw.
✨ Bul baslamalar eki xalıq doslıǵın jáne de bekkemleydi, densawlıqtı saqlaw sistemasına aldınǵı tájiriybelerdi engiziwge hám insan salamatlıǵın jaqsılawǵa xızmet etedi.









