Zulfiya Isroilova 110 jasta
28.02.2025 ПоделитьсяBúgin, 28-fevral kúni, Qaraqalpaqstan medicina institutında Zulfiya Israilovanıń tuwılǵan kúni múnásibeti menen “Zulfiya mámleketlik sıylıǵınıń laureatları menen” ushırasıw shólkemlestirildi.
Keshede instituttıń hayal-qızlar máseleleri boyınsha rektor másláhátshisi Z.Erimbetova, Qaraqalpaqstan xalıq baqsısı, “Doslıq” ordeniniń iyesi hám Zulfiya atındaǵı mámleketlik sıylıqtıń laureatı G.Aximbetova hám jáne bir laureat G.Qudaybergenova, tyutorlar hám instituttıń student-qızları qatnastı.
Ilaj dawamında Zulfiya Isroilovanıń ómiri, dóretiwshiligi hám miynet jolı haqqında sóz etildi. Zulfiya atındaǵı mámleketlik sıylıqtıń iyesi bolıwdı qálegen studentlerge óz tájiriybeleri haqqında aytıp berdi. Ilaj janlı muzıkalı baǵdarlama menen juwmaqlandı.
Bul ilaj tek ǵana shayırdıń ómirine baǵıshlanıp emes, al jaslar ushın ilham deregi boldı, olar ushın óz maqsetlerine erisiw, dóretiwshilik jumıstı rawajlandırıwda qádiriyatlardı qádirlew áhmiyetli ekenligin atap ótti.






