Jańalıqlar

Student-qızlar “Zakovat” intellektuallıq bellesiwinde

20.12.2025

👁 2 marta ko‘rilgan

2025-jıl 19-dekabr kúni Qaraqalpaqstan medicina institutı 2-medicina fakulteti hayal-qızlar máseleleri boyınsha dekan másláhátshisi N.Jienbaeva hámde tyutorlar baslaması menen student-qızlardıń bilim dárejesi hám dúnyaǵa kózqarasın keńeytiwge qaratılǵan mazmunlı ilaj shólkemlestirildi.

Ilaj sheńberinde studentler Ayımxan Shamuratovanıń úy-muzeyine sayaxat etti. Usı ruwxıy ortalıqta student-qızlar arasında “Zakovat” intellektuallıq oyını ótkerilip, onda qatnasıwshılar óz bilimleri, tapqırlıǵı hám operativ pikirlew qábiletin kórsetti. Oyın dawamında jaslar arasında salamat báseki, kúsh-ǵayrat hám jeńiske bolǵan umtılıs ayqın sezildi.

Tańlaw juwmaǵında jeńimpaz hám sıylı orın iyeleri eń kóp oqılatuǵın kórkem ádebiyatlar hám húrmet jarlıqları menen sıylıqlandı. Bul ilaj student-qızlardıń intellektuallıq potencialın arttırıw, kitapqumarlıqqa bolǵan qızıǵıwshılıǵın kúsheytiw hám ruwxıy rawajlanıwına xızmet etti.

PHP Code Snippets Powered By : XYZScripts.com