Jańalıqlar

MÁMLEKETLIK BAYRAǴÍMÍZ — MAQTANÍSHÍMÍZ TÍMSALÍ

18.11.2026

👁 2 marta ko‘rilgan

Qaraqalpaqstan medicina institutında 18-noyabr — Ózbekstan Respublikası Mámleketlik bayraǵı qabıl etilgeniniń 35 jıllıǵı múnásibeti menen student-jaslardıń qatnasıwında ruwxıy-aǵartıwshılıq ilaj shólkemlestirildi.

Ilajdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Z. Aleuov ashıp berip, qatnasıwshılardı qutlı sáne menen qızǵın qutlıqladı. Ol óziniń shıǵıp sóylegen sózinde Mámleketlik bayraqtıń milliy mámleketshiligimiz, ǵárezsizligimiz hám xalqımızdıń birligi tımsalı sıpatındaǵı áhmiyetine ayrıqsha toqtap ótti.

Ilajda Berdaq atındaǵı Qaraqalpaq mámleketlik universiteti Yuridika fakulteti docenti, yuridika ilimleriniń kandidatı M. Utepbergenov, instituttıń «Ózbek tili, tiller hám sociallıq pánler» kafedrası docenti, PhD T. Prniyazova hám instituttıń profilaktika inspektorı T. Karlibaeva óz bayanatları menen qatnastı.

Bayanatlarda Mámleketlik bayraqtıń tariyxı, mazmun-mánisi, mámleketlik belgilerge húrmet hám olardıń jaslar tárbiyasındaǵı ornı haqqında sóz etildi.

Ilaj student-jaslarda Watanǵa sadıqlıq, milliy maqtanısh hám mámleketlik nıshanlarǵa húrmet sezimlerin jáne de bekkemlewge xızmet etti.

PHP Code Snippets Powered By : XYZScripts.com