Jańalıqlar

Repressiya qurbanları esteligine húrmet – tariyxtan sabaq

13.12.2025

👁 2 marta ko‘rilgan

Qaraqalpaqstan medicina institutınıń tyutorları hám belsendi student-jasları “Repressiya qurbanları” muzeyine bardı. Bul sapar, siyasiy repressiya qurbanlarınıń ómiri hám jumısın úyreniw, olardıń esteligin máńgilestiriw maqsetinde shólkemlestirildi.

Muzeydegi eksponatlar arqalı jaslar búgingi tınısh hám abadan turmıstıń qádirine jetiw, berilip atırǵan imkaniyatlardan juwapkershilik penen paydalanıw zárúrligin ańladı.

Atap aytqanda, sapar dawamında Qasım Awezovtıń ómiri hám iskerligi haqqında tolıq maǵlıwmat berildi. Ol 1935-1937-jılları Qaraqalpaqstan hám awqam kóleminde juwapker lawazımlarda jumıs alıp barǵan bolsa da, 1937-jılı “xalıq dushpanı” sıpatında repressiyaǵa ushırap, 1938-jılı óltirilgen. 1958-jılı bolsa tolıq aqlanǵan.

Bul sapar etiw student-jaslardıń qálbinde tariyxıy estelikke húrmet, watansúyiwshilik hám ádillik sezimlerin jáne de bekkemlewge xızmet etti.

PHP Code Snippets Powered By : XYZScripts.com