“Zorlıqqa qarsı 16 kún” – QMIda profilaktikalıq úgit-násiyatlaw jumısları dawam etpekte
03.12.2025 ПоделитьсяMámleketimizde ótkerilip atırǵan “Zorlıqqa qarsı 16 kún” akciyası sheńberinde Qaraqalpaqstan medicina institutında student-jaslar arasında hayal-qızlarǵa bolǵan kúsh kórsetiw hám zorlıqtıń aldın alıwǵa qaratılǵan profilaktikalıq ilajlar ótkerilmekte.
Ilaj dawamında:
️🔸 Hayal-qızlardıń huqıq hám erkinliklerin qorǵaw, olardı qollap-quwatlaw boyınsha túsindiriw jumısları alıp barıldı.
🔸 Zorlıqtıń túrleri, oǵan alıp keletuǵın faktorlar hám onıń aqıbetleri haqqında maǵlıwmat berildi.
🔸 Mashqalalı jaǵdaylarda kimge múrájat etiw múmkinligi, járdem alıw mexanizmleri haqqında usınıslar berildi.
Ushırasıwlarda studentler belsene qatnasıp, óz pikir-usınısların bildirdi. Profilaktikalıq sáwbetlesiwler jaslar arasında salamat sociallıq ortalıqtı qáliplestiriw, hayal-qızlardıń qáwipsizligin támiyinlew hám olardıń huqıqların qorǵawǵa xızmet etedi.





