Qaraqalpaqstan medicina institutında “Jıldıń eń belsendi studenti – 2025” tańlawı sheńberinde…
22.11.2025 ПоделитьсяQaraqalpaqstan medicina institutında “Jıldıń eń belsendi studenti – 2025” tańlawı sheńberinde studentlerdiń túrli baǵdarlar boyınsha tayarlaǵan ilimiy, dóretiwshilik hám ámeliy prezentaciyaları kórgizbesi dawam etpekte.
Tańlaw tómendegi nominaciyalar boyınsha ótkerilmekte:
• “Jıldıń óz qánigeligi boyınsha eń bilimli student”
• “Jıldıń eń belsendi úgit-násiyatlawshı student”
• “Jıldıń eń belsendi oylap tabıwshı-innovator student”
• “Jıldıń eń belsendi sportshı student”
• “Jıldıń eń belsendi qábiletli student”
• “Jıldıń eń belsendi dóretiwshi student”
• “Jıldıń eń belsendi isbilermen student”
✨ Hár bir talaban óziniń erisken jetiskenlikleri, ilimiy izleniwleri, sociallıq-ruwxıy joybarları hám baslamaların usınıs etip, jámiyettegi belsendiligin hám jeke potencialın kórsetedi.
📝 Tóreshiler quramı tańlaw rejesinen kelip shıǵıp, prezentaciyalardı puqta úyrenip, studentler erisken nátiyjelerdi obektiv hám ádil bahalamaqta. Bahalaw procesinde studentlerdiń ilimiy-ámeliy belsendiligi, sociallıq baslamaları, innovaciyalıq ideyaları hám liderlik qábiletleri esapqa alınbaqta.
️ “Jıldıń eń belsendi studenti – 2025” tańlawı jaslardıń dóretiwshiligi, bilimge talpınısı hám jańalıqqa umtılıwına kúshli xoshamet bolıp xızmet etpekte.








