Jańalıqlar

Tınıshlıq saqshıları – xalıq tınıshlıǵınıń qorǵawshıları!

25.10.2025

👁 2 marta ko‘rilgan

Búgin, 25-oktyabr – Ózbekstan Respublikası Ishki isler uyımları xızmetkerleri kúni múnásibeti menen barlıq pidayı xızmetkerlerdi hám Qaraqalpaqstan medicina institutına biriktirilgen profilaktika inspektorı podpolkovnik Qarlıbaeva Tursınaydı shın júrekten qutlıqlaymız!

T.Qarlıbaeva óziniń xızmet jolı dawamında institut studentleri arasında huqıqbuzarlıq hám jınayatshılıqtıń aldın alıw, jaslardı huqıqıy sana hám mádeniyat ruwxında tárbiyalaw, hayal-qızlardıń huqıqların qorǵaw hám olardıń qáwipsizligin támiyinlew jolında pidákerlik penen miynet etip kelmekte.

Ol tárepinen shólkemlestirilgen profilaktikalıq ushırasıwlar, huqıqıy úgit-násiyatlaw ilajları hám “Áhmiyetli 90 kún” joybarı sheńberinde alıp barılǵan baslamalar nátiyjesinde student-jaslar arasında sociallıq belsendilik, nızamlarǵa húrmet, salamat turmıs tárizi hám puqaralıq juwapkershilik jáne de bekkemlenbekte.

Sonday-aq, T.Qarlıbaeva hayal-qızlardı kúsh kórsetiw hám zorlıqtan qorǵaw, olardıń huqıqıy sawatlılıǵın arttırıw baǵdarındaǵı jumısları menen institut jámááti húrmetine erisken.

Húrmetli T.Qarlıbaeva hám barlıq ishki isler uyımları xızmetkerlerin bayram menen qızǵın qutlıqlap, sizlerge bekkem densawlıq, tınıshlıq-paraxatshılıq, shańaraqlıq baxıt hám maqtanıshlı xızmetlerińizde úlken tabıslar tileymiz!

Sizlerdiń pidákerlik miynetińiz – el tınıshlıǵı, xalıq tınıshlıǵı hám jaslardıń keleshegi ushın xızmet etpekte!

PHP Code Snippets Powered By : XYZScripts.com