Jańalıqlar

Ádebiyat hám mánawiyat – ómir dáregi!

17.10.2025

👁 3 marta ko‘rilgan

Qaraqalpaqstan medicina institutında ótkerilgen “Máripat taratıp” joybarı sheńberindegi ádebiy-aǵartıwshılıq ushırasıw óz juwmaǵına jetti. Ilaj sońında belgili jazıwshı hám shayırlar institut aymaǵında ámelge asırılıp atırǵan dóretiwshilik jumısların, zamanagóy klinika sharayatların jáne medicina tarawınıń joqarı pátlerde rawajlanıp atırǵanın baqladı.

Miymanlar “Salamatlıq marafonı” baslamasınıń xalıqtıń salamatlıǵın bekkemlew, salamat turmıs tárizin keńnen úgit-násiyatlawdaǵı áhmiyetin ayrıqsha atap ótti.

Sonday-aq, dóretiwshiler instituttıń “Eko-volontyorlar” toparı menen birgelikte institut aymaǵına miyweli terek nállerin egiw ilajında qatnastı. Bul rámziy qádiriyat – tek ǵana tábiyattı abat etiw emes, al jaslardıń qálbine aǵartıwshılıq tuqımın egiw, olardı jaqsılıq hám dóretiwshilikke shaqırıwshı iygilikli ámeliyat boldı.

Ilajdıń tiykarǵı maqseti – jaslardıń oy-pikirin bayıtıw, olardı ádebiyat, mádeniyat hám milliy qádiriyatlarǵa mehir ruwxında tárbiyalaw bolıp, bul ushırasıw studentlerge úlken ilham hám ruwxıy kúsh baǵıshladı.

PHP Code Snippets Powered By : XYZScripts.com