Jańalıqlar

Qaraqalpaqstan medicina institutında “Xan atlas” ilajı bolıp ótti

19.09.2025

👁 3 marta ko‘rilgan

Milliy qádiriyatlarımızdı qásterlep saqlaw hám jaslar sanasında úrp-ádet hám dástúrlerge húrmet sezimin kúsheytiw maqsetinde, instituttıń hayal-qızlar másláhát keńesiniń baslaması menen ilaj shólkemlestirildi.

Ilaj dawamında:

✨ student-qızlar tárepinen jaratılǵan milliy ruwxtı ózinde jámlegen taǵınshaqlar kórgizbesi,

✨ ózine tán dizaynları menen jaslar auditoriyasına tanılǵan “tulimshaq_style” brendi tiykarın salıwshısı, isbilermen hayal G.Xojanovanıń qatnasıwı ilajǵa jáne de payız baǵıshladı.

Ol óziniń shıǵıp sóylegen sózinde milliy gezlemelerimiz – “Atlas” hám “Adras”tıń jaratılıw tariyxı, biytákirar naǵısları hám olardıń búgingi kúndegi qollanılıwı haqqında bahalı maǵlıwmatlar berdi.

“Xan atlas” festivalı tek ǵana student-jaslardıń ruwxıy dúnyasın bayıtıw menen olarda milliy qádiriyatlarǵa mehir hám itibardı jáne de kúsheytti.

Bunday ilajlar jas áwlad qálbinde milliy maqtanıshtı oyatıp, áemgi miyrasımızdı keleshek áwladlarǵa jetkeriwde úlken áhmiyetke iye.

PHP Code Snippets Powered By : XYZScripts.com