Qaraqalpaqstan medicina institutında shet elli abiturientler menen sáwbetlesiw ótkerildi
27.08.2025 ПоделитьсяÓzbekstan Respublikası Ministrler Kabinetiniń joqarı oqıw orınlarına qabıllaw tártibi haqqındaǵı qararı tiykarında Qaraqalpaqstan medicina institutında sırt elli studentlerdi oqıwǵa qabıllaw processleri ámelge asırılmaqta.
Usı múnásibet penen usı jıldıń 26-avgust kúni Institut rektorı O.Xalimov basshılıǵında dúzilgen komissiyanıń qatnasıwında institut studenti bolıw tilegin bildirip hújjet tapsırǵan talabanlar menen sáwbet shólkemlestirildi.
📌 Sáwbetlesiw barısında talabannıń bilim hám qızıǵıwshılıqları, sonday-aq, medicina tarawına bolǵan múnásibeti úyrenildi.
Bunday qádemler instituttıń xalıqaralıq birge islesiwdi kúsheytiw, bilimlendiriwdiń sapasın bunnan bılay da arttırıw hám qábiletli jaslar ushın imkaniyatlar jaratıwǵa qaratılǵan háreketlerinen dárek beredi.


