Korrupciyaǵa qarsı gúresiw – bárshemizdiń wazıypamız!
08.08.2025 Поделиться🛑 Qaraqalpaqstan medicina institutında xızmetkerler arasında hadallıq, ádillik hám páklikti úgit-násiyatlaw, sonday-aq, korrupciyaǵa qarsı gúresiw mádeniyatın tereńlestiriw maqsetinde gezektegi úgit-násiyat ilajı bolıp ótti.
📌 Ilaj dawamında 2025-jıl 5-mart kúni Ózbekstan Respublikası Prezidenti Shavkat Mirziyoevtiń basshılıǵında ótkerilgen “Korrupciyaǵa qarsı gúresiw milliy keńesi” májilisinde belgilengen tiykarǵı wazıypalar dodalandı. Ilajda ásirese tómendegi normativlik hújjetlerge ayrıqsha itibar qaratıldı:
📄 PF-71-sanlı Párman – Korrupciyaǵa qarsı gúresiw boyınsha 2023-2024-jıllarǵa mólsherlengen Milliy strategiyanı tastıyıqlap, barlıq mámleketlik uyımlardıń jumısında ashıq-aydınlıq, esap beriwshilik hám hadallıq principlerin bekkemlewdi belgilep berdi.
📄 PF-147 sanlı Párman – Mámleketlik xızmetkerlerdiń ádep-ikramlılıq qaǵıydaların belgilep, olardıń jumısında mápler soqlıǵısıwınıń aldın alıw, korrupciyaǵa qarsı ishki qadaǵalaw sistemaların kúsheytiw zárúrligin támiyinleydi.
👥 Ilaj dawamında xızmetkerler arasında huqıqıy sananı qáliplestiriw, korrupciyanıń unamsız aqıbetleri haqqında túsiniklerdi bekkemlew hám eń áhmiyetlisi – hadallıq, hújdan hám páklik ruwxın oyatıw boyınsha ashıq sáwbetler alıp barıldı.
📸 Ilaj sońında qatnasıwshılar qollarında “Korrupciyaǵa qarsı gúresemiz!” jazıwlı flayerlar menen estelik súwretke tústi.


