Watan tariyxı – yadta, jaslar qálbinde!
08.05.2025 Поделиться8-may kúni, Qaraqalpaqstan medicina institutınıń I hám II medicina fakulteti tyutorları – N.Jiyenbaeva, Sh.Xilalova, A.Abubakirov hám P.Mamutova baslaması menen studentler ushın Watan pidayıları baǵına aǵartıwshılıq sayaxat shólkemlestirildi.
Sapar dawamında studentler repressiya jıllarında qurban bolǵan aǵartıwshılar, sovet dáwirinde jábir kórgen watanlaslarımız, sonday-aq, baǵ aymaǵında jaylasqan tariyxıy muzey haqqında hár tárepleme maǵlıwmatlarǵa iye boldı.
Bunday ruwxıy-aǵartıwshılıq ilajlar studentlerdiń Watanǵa muhabbatın, tariyxıy estelikke húrmetin jáne de bekkemleydi, milliy qádiriyatlarǵa sadıqlıq ruwxında tárbiyalaydı.
Biz bolajaq shıpakerlerdiń tek ǵana ilimiy bilimli emes, al tariyx hám millet qádiriyatların ańlaytuǵın, joqarı mánawiyatlı shaxslar bolıp jetilisiwin qollap-quwatlaymız.
Kanalǵa aǵza bolıw:👇👇
▪️ 🕊Telegram📱Instagram📱Facebook📺YouTube



