Jańalıqlar

QMI Ilimiy Keńesiniń gezektegi májilisi: áhmiyetli qararlar hám jańa wazıypalar belgilendi

07.11.2025

👁 2 marta ko‘rilgan

6-noyabr kúni Qaraqalpaqstan medicina institutında Institut Ilimiy Keńesiniń gezektegi májilisi bolıp ótti. Májiliste institut basshıları, prorektorlar, bólim baslıqları, fakultet dekanları, kafedra baslıqları hám ilimiy keńes aǵzaları qatnastı. Májilisti institut rektorı Olimbay Xalimov basqardı.

📌 Kún tártibindegi áhmiyetli máseleler:

• Professor-oqıtıwshılardıń múddeti tamamlanǵan lawazımların tastıyıqlaw boyınsha Institut Keńesi xatkeri K.Dauılbaeva málimlemesi tıńlandı hám jasırın dawıs beriw arqalı tańlaw juwmaqlandı.

• Fizikalıq hám yuridikalıq shaxslardıń múrájatları menen islesiw hám monitoring bólimi baslıǵı Sh. Jiemuratovanıń esabatları tıńlandı.

• 2025-2026-oqıw jılında Institut qabıllaw komissiyasınıń jumısı boyınsha E.Bimbetov maǵlıwmat berdi.

• 2024-2025-oqıw jılında institut pitkeriwshileriniń jumıs penen támiyinleniw processleri boyınsha Q.Tairovtıń esabatları dodalandı.

• 2024-2025-oqıw jılınıń báhárgi semestri juwmaqlawshı qadaǵalaw nátiyjeleri boyınsha studentlerdiń ózlestiriw kórsetkishleri dodalandı.

Jıynalıs dawamında instituttı hár tárepleme rawajlandırıw, bilimlendiriwdiń sapasın hám basqarıw nátiyjeliligin arttırıw boyınsha áhmiyetli máseleler kórip shıǵıldı.

Rektor Olimbay Xalimov aldaǵı dáwir ushın tiykarǵı wazıypalardı belgilep, bólim hám fakultet basshılarına anıq tapsırmalar berdi.

Bul májilis instituttıń strategiyalıq rawajlanıwı hám bilimlendiriw procesiniń jetilisiwi ushın áhmiyetli qádem boldı.

PHP Code Snippets Powered By : XYZScripts.com