QMI Jaslar awqamınıń baslanǵısh shólkem jetekshisi Ózbekstan jaslar awqamı Qaraqalpaqstan Respublikası Keńesi tárepinen sıylıqlandı
08.01.2025 ПоделитьсяÓzbekstan jaslar awqamı Qaraqalpaqstan Respublikası Keńesiniń joqarı oqıw orınlarındaǵı baslanǵısh shólkem jetekshileri qatnasıwında ushırasıw bolıp ótti.
Ushırasıwdı Ózbekstan jaslar awqamı Qaraqalpaqstan Respublikası Keńesi baslıǵı M.Kamalov kiris sóz benen ashıp berdi.
Ushırasıw dawamında ótken jılda jaslar siyasatında ámelge asırılǵan ilajlar dodalandı hám baslanıp atırǵan 2025-jıl ushın is-reje, aldaǵı wazıypalar belgilenip alındı.
Ushırasıwda, mámleketimizde jaslardı ruwxıy jetik, watanǵa pidayı insan etip tárbiyalawda, olardıń huqıqıy máplerin qorǵaw, jas áwladtı kámil insan bolıwında, jaslar awqamı tárepinen ótkerilgen joybar hám ilajlardı shólkemlestiriwde belsendiligi ushın Qaraqalpaqstan medicina institutınıń baslanǵısh shólkem jetekshisi Jangabayev Mirzamuxammedke Jaslar awqamı tárepinen minnetdarshılıq, arnawlı statuetka hám estelik sawǵaları tapsırıldı.



