Medicina tarawında korrupciyaǵa qarsı gúresiw boyınsha áhmiyetli ushırasıw bolıp ótti
30.05.2025 ПоделитьсяQaraqalpaqstan Respublikası Joqarǵı Keńesiniń “Sud-huqıq máseleleri hám korrupciyaǵa qarsı gúresiw” komiteti, Ministrler Keńesiniń Korrupciyaǵa qarsı ishki qadaǵalaw bólimi, Bas prokuratura janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarması hám Densawlıqtı saqlaw ministrligi menen birgelikte Qaraqalpaqstan medicina institutında áhmiyetli ushırasıw shólkemlestirildi.
🔹 Ilajda Ministrler Keńesiniń Korrupciyaǵa qarsı gúresiw qadaǵalawı bólimi baslıǵı B.Matmuratov qatnasıp, Ózbekstan Respublikası Prezidentiniń 2025-jıl 5-mart kúni bolıp ótken Korrupciyaǵa qarsı gúresiw milliy keńesiniń keńeytilgen májilisindegi bayanatınıń mazmunı hám áhmiyeti, sonday-aq, densawlıqtı saqlaw xızmetkerleri aldında turǵan áhmiyetli wazıypalar haqqında tolıq bayanat jasadı.
🔹 Sonday-aq, Joqarǵı Keńestiń tiyisli komiteti baslıǵınıń orınbasarı Y.Abdullaeva medicina sistemasındaǵı korrupciyalıq jaǵdaylardıń aldın alıw, bul tarawdı taza hám ashıq-aydın sistemaǵa aylandırıw baǵdarında ámelge asırılıp atırǵan ilajlar haqqında aytıp ótti.


