Qaraqalpaqstan medicina institutında jańa oqıw jılı baslandı
04.09.2025 Поделиться📅 Búgin, 4-sentyabr kúni Qaraqalpaqstan medicina institutında 2025-2026-oqıw jılınıń saltanatlı ashılıw máresimi bolıp ótti. Ilaj aldınan Ózbekstan Respublikası hám Qaraqalpaqstan Respublikasınıń mámleketlik gimnleri atqarıldı.
✅ Ilajda Institut rektorı O.Xalimov hámde Qaraqalpaqstan Respublikası Densawlıqtı saqlaw ministri M.Qurbanov shıǵıp sóylep, birinshi basqıshqa qabıl etilgen studentler, olardıń ata-anaları hámde institut jámáátin mámleketimiz ǵárezsizliginiń 34 jıllıǵı hámde jańa oqıw jılınıń baslanıwı menen qızǵın qutlıqladı.
🔸 Oqıw jılınıń birinshi kúni “Watan ushın, millet ushın, xalıq ushın!” súreni astında “Ǵárezsizlik sabaqları” menen baslandı. Búgingi ilajdan soń bolsa studentler instituttıń ishki tártip-qaǵıydaları, ádep-ikramlılıq kodeksleri hám bilimlendiriw procesine baylanıslı áhmiyetli maǵlıwmatlar menen tanıstırıldı.
📖 Bul saltanatlı process jańa oqıw jılına qádemlerden biri sıpatında studentlerde joqarı maqsetler, watansúyiwshilik hám juwapkershilik sezimin kúsheytiwge xızmet etti.


