Qaraqalpaqstan medicina institutında arnawlı-taktikalıq oqıw shınıǵıwı ótkerildi
27.09.2025 ПоделитьсяQaraqalpaqstan medicina institutında Qaraqalpaqstan Respublikası Ayrıqsha jaǵdaylar basqarması menen birgelikte studentler hám xızmetkerlerdiń ayrıqsha jaǵdaylarda durıs háreket etiw kónlikpelerin arttırıwǵa qaratılǵan arnawlı-taktikalıq oqıw shınıǵıwı bolıp ótti.
Ilajdıń tiykarǵı maqseti – bilimlendiriw mákemelerinde órt, tábiyǵıy apatshılıq yamasa basqa ayrıqsha jaǵdaylar júzege kelgende durıs qarar qabıl etiw, qáwipsiz evakuaciyalaw hám ómirdi saqlaw boyınsha ámeliy bilimlerdi qáliplestiriwden ibarat boldı.
Oqıw shınıǵıwında institut profilaktika inspektorı, tiyisli bólim baslıqları, tyutorlar hám studentler belsene qatnasıp, jaǵdaylardı esapqa alıw arqalı interaktiv usıllarda ámeliy shınıǵıwlardı orınladı.
✅ Shınıǵıw dawamında:
• órt júz bergende evakuaciya tártibi;
• studentlerdiń óz ara birgelikte qáwipsiz háreketleniwi;
• gúzgi-qısqı máwsimde júz beriwi múmkin bolǵan baxıtsız hádiyselerdiń aldın alıw boyınsha profilaktikalıq ilajlar ámelde sınaqtan ótkerildi.
️Bul shınıǵıw institut jámáátiniń ayrıqsha jaǵdaylarǵa tayarlıǵın arttırıw, qáwipsizlik mádeniyatın bekkemlew hám studentler arasında juwapkershilik hám qıraǵılıqtı qáliplestiriwge xızmet etedi.







