Fotogalereya,Jańalıqlar

“TalabaExpo-2025” – jaslar bántligi hám iskerligi jolına áhmiyetli qádem!

24.10.2025

👁 7 marta ko‘rilgan

️ Keshe, 23-oktyabr kúni Nókis qalasındaǵı 1-sanlı sport mektebi aymaǵında pitkeriwshi jaslardıń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw maqsetin de iri ️“TalabaExpo-2025” kásiplik kórgizbesi bolıp ótti.

✨ Usı abıraylı ilajda Qaraqalpaqstan medicina institutı jámááti hámde student-jasları belsene qatnasıp, oqıwdaǵı jetiskenlikleri hám jámiyetlik jumıslardaǵı belsendiligi ushın alǵısnamalar menen sıylıqlandı.

Ilaj sheńberinde:

🔹 100 ge jaqın jumıs beriwshiler,

🔹 10 mıńǵa shamalas studentler qatnastı;

🔹 4 mıńnan aslam studentler hám jumıs beriwshiler arasında ashıq sóylesiwler ótkerildi;

🔹 700 den aslam jańa jumıs orınları usınıldı;

🔹 Studentlerdiń biznes ideyaları hám startap joybarları isbilermenlik baǵdarında úgit-násiyatlandı.

Instituttıń rektorı O.Xalimov jaslardıń belsendiligin atap ótip, jámiyetlik turmısta óz ornı hám baslamasına iye bolǵan studentlerdi xoshametledi.

Bunday kórgizbeler tek ǵana jaslardıń bántligin támiyinlew emes, al olardı zamanagóy miynet bazarına tayarlaw, innovaciyalıq pikirlew hám isbilermenlik ruwxın rawajlandırıwǵa xızmet etpekte.

PHP Code Snippets Powered By : XYZScripts.com