QARAQALPAQSTAN MEDICINA INSTITUTÍ REKTORÍ OLIMBAY XALIMOVTÍŃ MÚRÁJATÍ
31.10.2025 ПоделитьсяHúrmetli studentler!
Gúz-qıs máwsimi – sınaqlı, biraq juwapkershilikli dáwir. Bul máwsimdi saw-salamat, qáwipsiz hám tınısh ótkeriw hár birimizdiń minnetimiz. Usı maqsette institut tárepinen bir qatar áhmiyetli ilajlar ámelge asırıldı.
🏠 Studentlerdiń jasaw orınları xatlawdan ótkerilip, olardıń ıssılıq, suw, elektr hám gaz támiynatı sistemalarında ońlaw hám jańalaw jumısları alıp barıldı. Bul háreketler sizlerdiń qolaylı jasaw sharayatıńızdı támiyinlewge xızmet etedi.
🔥 Sonıń menen birge, iyis gazden záhárleniw jaǵdaylarınıń aldın alıw maqsetinde keń kólemli úgit-násiyat jumısları alıp barılmaqta.
Hárbir student:
▪️Jılıtıw úskenelerinen tek ǵana durıs paydalanıwı,
▪️Xanalardı turaqlı samallatıp turıwı,
▪️Qazanxana hám morılardı qánigeler járdeminde tekserip shıǵıwı zárúr.
Umıtpań, sergeklik – ómirińiz girewi!
Bir máwritlik biyparwalıq tek ǵana ózińiz emes, al jaqınlarıńızdıń ómirine qáwip tuwdırıwı múmkin. Sonıń ushın bársheńizdi sergeklikke, juwapkershilikke hám awızbirshilikke shaqıraman. Gúz-qıs máwsimin ıssılıq, tınıshlıq hám abadanlıq penen ótkereyik.
