10-dekabr — Ózbekstan Respublikası Mámleketlik gimni qabıl etilgen kún
10.12.2025 ПоделитьсяBúgin Qaraqalpaqstan medicina institutında 10-dekabr – Ózbekstan Respublikası Mámleketlik gimni qabıl etilgen kún múnásibeti menen saltanatlı ilaj shólkemlestirildi. Ilajda instituttıń rektorat aǵzaları, professor-oqıtıwshılar hám student-jaslar mámleketlik gimndi birgelikte, kóterińki ruwxta atqardı.
Ilaj dawamında Mámleketlik gimnniń mazmun-mánisi, onıń Watanımız ǵárezsizligi, birlik hám pidayılıqtıń tımsalı ekeni ayrıqsha atap ótildi. Bunday ruwxıy ilajlar jaslardıń qálbinde Watanǵa muhabbat, milliy qádiriyatlarǵa húrmet hám puqaralıq juwapkershilikti jáne de bekkemleydi.
Sonday-aq, bul ilaj dástúr sıpatında instituttıń barlıq kafedralarında da dawam ettirilip, sabaqlar Gimndi birgelikte atqarıw menen baslandı. Bul bolsa student-jaslarǵa milliy maqtanısh hám watansúyiwshilik ruwxın jáne de arttırıwǵa xızmet etti.









