«BOLAJAQ ALÍM» TAŃLAWÍ: NÁWBETTEGI JEŃIMPAZ ANÍQLANDÍ
17.11.2026 ПоделитьсяIlim-pán hám innovaciyalardı rawajlandırıw, jas izertlewshilerdiń keleshegi bar ideyaların qollap-quwatlawǵa qaratılǵan «Bolajaq alım» tańlawı sheńberinde institutımız náwbettegi jetiskenlikti qolǵa kirgizdi.
Shańaraqlıq medicina hám ishki keselikler kafedrasınıń assistent-oqıtıwshısı Xoşmuratov Dauıtbay Baxıtbaeviç tańlaw sheńberinde ótkerilgen «SmartCross & SafeCross» ilimiy ideyalar tańlawında jeńimpaz dep tabıldı hám innovaciyalıq ideyasın ámelge asırıw ushın 75 mln swm muǵdarında finanslıq qollap-quwatlawǵa iye boldı.
Bul nátiyje talantlı studentler hám jas izertlewshilerimiz ushın múnásip úlgi bolıp, olardı ilimiy izleniwler hám innovaciyalıq baslamalarǵa xoshametleydi.
D. B. Xoşmuratovtı usı jetiskenlik penen qutlıqlap, ilimiy-pedagogikalıq iskerliginde jańa tabıslar tileymiz!

