“Áhmiyetli 90 kún” sheńberinde tariyx penen jaqınnan tanısıw!
30.07.2025 Поделиться
30-iyul kúni Qaraqalpaqstan medicina institutı studentleri ushın áhmiyetli ruwxıy-aǵartıwshılıq ilaj shólkemlestirildi – Qaraqalpaqstan Respublikası tariyxı hám mádeniyatı mámleketlik muzeyine sayaxat shólkemlestirildi.
Muzey tariyxı 1929-jılı Tórtkúldegi kórgizbeden baslanıp, búgingi kúnde 65 000 nan aslam siyrek ushırasatuǵın eksponatlardı óz ishine alǵan halda Nókis qalasında jumıs alıp barmaqta. Studentler muzeydiń tábiyat, arxeologiya, etnografiya hám házirgi zaman tariyxı bólimleri menen tanısıp, joǵalıp ketken haywanlardıń tulıpları hám siyrek ushırasatuǵın artefaktlardı kóriw imkaniyatına iye boldı.
Eń úlken tásirlerden biri – muzey orayında jaylasqan ata-babalarımızǵa tán Qara úy maketi boldı. Onıń biytákirar milliy gózzallıǵı studentlerdiń qálbinde tariyxqa bolǵan húrmet hám milliy maqtanısh sezimin jáne de kúsheytti.
Bunday ruwxıy ilajlar:
✔️ studentlerdiń tariyxıy miyrasqa bolǵan húrmetin arttıradı;
✔️ milliy qádiriyatlarımızǵa sadıqlıqtı bekkemleydi;
✔️ Watanǵa muhabbat hám maqtanısh sezimin qáliplestiredi.
