Ilimge dáslepki qádem – 1-kurs studentleri qatarımızda
05.09.2025 Поделиться
Búgin, 5-sentyabr kúni, Qaraqalpaqstan medicina institutında 2025-2026-oqıw jılında birinshi kursqa qabıl etilgen studentler menen ushırasıw bolıp ótti.
Ilajdı Jaslar máseleleri, ruwxıylıq hám aǵartıwshılıq isleri boyınsha birinshi prorektor Z. Aleuov ashıp berip, studentlik jolına qádem qoyǵan jaslardı qızǵın qutlıqladı. Sonday-aq, instituttıń ishki tártip-qaǵıydaları hám ádep-ikramlılıq normalarına ámel etiw zárúrligi ayrıqsha atap ótildi.
Instituttıń hayal-qızlar máseleleri boyınsha rektor másláhátshisi Z.Erimbetovada shıǵıp sóylep, studentlerge jaratılıp atırǵan imkaniyatlar hám qolaylı sharayatlar haqqında maǵlıwmat berdi.
✨ Qaraqalpaqstan medicina institutı jámááti barlıq studentlerdi, ásirese birinshi márte studentlik baxtına miyasar bolǵan jaslardı shın júrekten qutlıqlaydı!
Sizlerge ilim jolında úlken tabıslar, keleshekte elimizdiń rawajlanıwı ushın múnásip kadr bolıwıńızdı tilep qalamız.
