11-oktyabr – Xalıqaralıq qızlar kúni
11.10.2025 Поделиться
Búgin Qaraqalpaqstan medicina institutında Hayal-qızlar keńesi hám Institut sport klubı baslaması menen “Salamat turmıs tárizi tárepdarımız” súreni astında student-qızlar arasında voleybol jarısı ótkerildi.
Bul ilajdıń tiykarǵı maqseti – hayal-qızlar arasında sporttı ǵalaba en jaydırıw, salamat turmıs tárizin úgit-násiyatlaw hám olardıń salamatlıǵın bekkemlewden ibarat.
⚡️ Institut rektorı O.Xalimov jarıs dawamında sporttıń jaslar turmısındaǵı ornı haqqında sóz etip, sport tek ǵana fizikalıq shınıǵıw emes, al sabırlıqtı, jámáátlik hám jetekshilik pazıyletlerin qáliplestiriwin atap ótti. Sonday-aq, institutta student-qızlardıń bos waqtın mazmunlı ótkeriwi hám sport penen turaqlı shuǵıllanıwı ushın barlıq sharayatlar jaratılatuǵının atap ótti.
🏅 Jarıs juwmaǵında jeńimpaz hám sıylı orın iyeleri rektordıń hayal-qızlar máseleleri boyınsha másláhátshi tárepinen diplomlar menen sıylıqlandı.
