Qaraqalpaqstan medicina institutında – jańa áwlad shıpakerleri ómir jolına qádem qoydı!
30.10.2025 Поделиться
Búgin institutta Klinikalıq ordinatura hám internatura pitkeriwshileriniń diplom tapsırıw ilajı kóterińki tárizde ótkerildi. Bul kún – jaslıq ármanları ámelge asqan, pidayılıq hám juwapkershilik jolında jańa basqısh baslanǵan umıtılmas sáne boldı.
Ilajdı institut rektorı Olimbay Xalimov ashıp, pitkeriwshilerdi qızǵın qutlıqladı. Ol jaslarǵa insan salamatlıǵın saqlawday muqaddes wazıypanı joqarı juwapkershilik penen orınlawdı, kásipte sadıqlıq hám hújdan menen xızmet etiwdi tiledi.
Sonday-aq, oqıw isleri boyınsha prorektor, pitkeriwshilerdiń ata-anaları hám pitkeriwshiler de shıǵıp sóylep, qızǵın tilekler hám maqtanısh sezimleri menen ortaqlastı.
Máresimniń eń tolqınlandırıwshı waqıtları bolsa shıpakerlik antı boldı. Bolajaq shıpakerler insan ómiri hám densawlıǵı jolında hadallıq, sadıqlıq hám mehir menen xızmet etiwge saltanatlı túrde sóz berdi.
Bul tek ǵana diplom alıw máresimi emes, al insan ómirin saqlawǵa baǵıshlanǵan joqarı missiyanıń baslanıwı boldı.
