Qaraqalpaqstan medicina institutında “Medicina xızmetkerleri kúni” saltanatlı túrde belgilendi
10.11.2025 Поделиться
Búgin Qaraqalpaqstan medicina institutında medicina tarawınıń eń ullı hám húrmetli bayramı – “Medicina xızmetkerleri kúni” múnásibeti menen saltanatlı ilaj bolıp ótti.
Ilajdı institut rektorı Olimbay Xalimov ashıp, insan salamatlıǵın saqlawday muqaddes wazıypanı orınlap kiyatırǵan barlıq shıpakerler, miyirbiykeler, oqıtıwshılar, ilimiy xızmetkerler hám medicina jámáátin bayram menen qızǵın qutlıqladı.
Ol óziniń shıǵıp sóylegen sózinde sońǵı jılları Prezidentimiz Shavkat Mirziyoev tárepinen medicina tarawı xızmetkerlerin qollap-quwatlaw, olardıń miynetin múnásip xoshametlew baǵdarında ámelge asırılıp atırǵan keń kólemli reformalarǵa ayrıqsha toqtap ótti. Ilaj dawamında medicina tarawında uzaq jıllar pidákerlik penen xızmet etken, nawqaslardıń salamatlıǵı ushın jankúyerlik kórsetken jáne bilimlendiriw hám ámeliy medicinanı rawajlandırıwǵa úlken úles qosqan xızmetkerler mámleketimiz basshısınıń pármanı, Densawlıqtı saqlaw ministrligi hám Joqarı bilimlendiriw, ilim hám innovaciyalar ministrligi tárepinen sıylıqlandı.
Sıylıqlanǵanlar dizimi:
I dárejeli “Soǵlom avlod uchun” ordeni menen:
- Mels Kabulov
“Mehnat faxriysi” I dárejeli kókirek belgisi menen:
Seregul Bazarova
“O‘zbekiston Respublikasi Sog‘liqni saqlash a’lоchisi” kókirek belgisi menen: - Shuakbaeva Nagima
- Azima Tleubergenova
“Oliy ta’lim a’lоchisi” kókirek belgisi menen: - Tursın Qarajanova
Sonday-aq, institutta nátiyjeli jumıs alıp barıp atırǵan xızmetkerler, “Salamatlıq marafonı” sheńberindegi belsendiligi menen ajıralıp turǵanlar, sonday-aq, bayram múnásibeti menen ótkerilgen shaxmat hám shashka sport jarıslarınıń jeńimpazları húrmet jarlıqları hám bahalı sawǵalar menen sıylıqlandı.
Ilaj sońında kórkem óner hám mádeniyat xızmetkerleri tárepinen tayarlanǵan bayram koncert baǵdarlaması kórsetilip, jıynalǵanlarǵa kóterińki keypiyat baǵıshladı.
