🎭 QMI STUDENTLERI – JÁNE BIR JETISKENLIK!
20.01.2026 Поделиться
Ózbekstan Respublikası Joqarı bilimlendiriw, ilim hám innovaciyalar ministrligi, Mádeniyat ministrligi, Jaslar isleri agentligi hám Ózbekstan Milliy teleradiokompaniyasınıń 2025-jıl 13-marttaǵı qospa qararına muwapıq Qaraqalpaqstandaǵı barlıq joqarı oqıw orınlarınıń studentleri arasında “Studentler teatr studiyaları” tańlawı joqarı dárejede shólkemlestirildi.
Tańlawdıń tiykarǵı maqseti – student-jaslardıń teatr kórkem ónerine bolǵan qızıǵıwshılıǵın arttırıw, olardıń ruwxıy jetikligin joqarılatıw hám talantlı jaslardı qollap-quwatlawdan ibarat boldı.
Tańlaw dawamında studentlerdiń saxna sheberligi hám dóretiwshilik kózqarası tóreshiler tárepinen joqarı bahalanıp, qızǵın dodalawlardan soń jeńimpazlar anıqlandı.
Quwanıshlı tárepi sonda, Qaraqalpaqstan medicina institutı studentleri Qaraqalpaqstandaǵı joqarı oqıw orınları studentleri arasında ótkerilgen “Studentler teatr studiyaları” tańlawında sıylı 1-orındı iyeledi!
Jeńimpaz studentlerdi institut rektorı Olimbay Xalimov qızǵın qutlıqlap, keleshekte Respublikalıq basqıshta ótkeriletuǵın bellesiwlerde áwmet hám tabıslar tiledi.
Tańlawdıń jáne bir itibarǵa ılayıq tárepi – teatr studiyasınıń jumısına 4-klass oqıwshısı Isbasarov Xalmurat ta tartılǵan. Bul bolsa kórkem ónerge bolǵan qızıǵıwshılıq jas shegarasın tán almaytuǵının jáne bir márte tastıyıqladı.
Jeńimpaz studentlerimizge kelesi Respublikalıq basqıshta da áwmet yar bolıwın tileymiz!
QMI Baspasóz xızmeti