Belsendi student-jaslar xoshametlendi
20.01.2026 Поделиться
Qaraqalpaqstan Respublikası Joqarǵı Keńesiniń Baslıǵı Amanbay Orınbaev joqarı oqıw orınlarında bilim alıp atırǵan belsendi, talantlı hám qábiletli student-jaslar menen ushırasıw ótkerdi.
Ushırasıwda Joqarǵı Keńes Baslıǵı sońǵı jılları húrmetli Prezidentimizdiń Qaraqalpaqstanǵa bolǵan ayrıqsha itibarı sebepli qabıl etilip atırǵan áhmietli qarar hám pármanlar, olardıń ámeliy nátiyjeleri, aymaqta alıp barılıp atırǵan keń kólemli reformalar haqqında hár tárepleme toqtap ótti. Sonday-aq, búgingi kúnde ámelge asırılıp atırǵan jumıslar hám keleshektegi rejeler anıq mısallar menen sáwlelendirildi.
Ushırasıw dawamında jaslardıń pikir-usınısları tıńlanıp, kóterilgen máseleler ayrıqsha qadaǵalawǵa alındı.
Quwanıshlı tárepi sonda, jámiyetlik jumıslarda belsene qatnasıp, zamanlaslarına úlgi bolıp kiyatırǵan jaslar qatarında Qaraqalpaqstan medicina institutınıń qábiletli studenti Odilov Diyorbek te Joqarǵı Keńes Prezidiumınıń qararı menen “Húrmet jarlıǵı” menen sıylıqlandı.
Bul tabıs múnásibeti menen Institut rektorı Olimbay Xalimov student Diyorbekti qutlıqlap, keleshekte de joqarı sheklerdi iyelewine isenim bildirdi. Sonday-aq, jaslardı Watanǵa muhabbat, pidayılıq hám shın kewilden xızmet etiw ruwxında belsendi bolıwǵa shaqırıp, oqıwlarında tabıslar tiledi.
Studentimizdi bul tán alınıwı menen qızǵın qutlıqlaymız hám aldaǵı jumıslarında úlken tabıslar tileymiz!
QMI Baspasóz xızmeti