“Rektor hám jaslar” ushırasıwı
05.03.2026 Поделиться
Húrmetli Prezidentimiz tárepinen alǵa qoyılǵan baslamaǵa muwapıq, mámleketimizde hár piyshembi kúni basshılardıń jaslar menen ashıqtan-ashıq sóylesiwlerin shólkemlestiriw ámeliyatı jolǵa qoyılǵan.
Bul baslamanıń orınlanıwın támiyinlew maqsetinde Qaraqalpaqstan medicina institutında “Rektor hám jaslar” ushırasıwı shólkemlestirildi.
Ushırasıwda institut rektorı O.Xalimov joqarı kurs studentleri menen ashıqtan-ashıq sóylesiw ótkerip, mámleketimizde medicina tarawın rawajlandırıw, maman kadrlar tayarlaw, jas qánigelerdi qollap-quwatlaw hám olardıń keleshektegi kásiplik jumısın nátiyjeli shólkemlestiriw ushın mámleket tárepinen jaratılıp atırǵan keń imkaniyatlar hám reformalar haqqında hár tárepleme maǵlıwmat berdi.
Sonday-aq, ushırasıw dawamında taraw qánigeleriniń qatnasıwında studentlerdi qızıqtırǵan máseleler dodalanıp, olardıń kásiplik jumıs, jumısqa jaylasıw, ilimiy izlenisler hám ámeliyat imkaniyatları boyınsha sorawlarına tolıq juwaplar berildi.
Bul sóylesiw jaslardıń pikir hám baslamaların qollap-quwatlaw, olardıń kásiplik rawajlanıwına járdemlesiw jáne jaslar hám basshılar arasında ashıq hám nátiyjeli sóylesiw ortalıǵın jáne de bekkemlewge xızmet etti.
