Xalıqaralıq birge islesiw medicina rawajlanıwı jolında
12.03.2026 Поделиться
Aldın xabar bergenimizdey, Qaraqalpaqstan medicina institutı hám Webster University ortasında birge islesiw memorandumına qol qoyılǵan edi. Usı kelisim sheńberinde instituttıń emlew isleri boyınsha prorektorı, Aralboyı klinikasınıń bas shıpakeri Feruz Xomidov hám Webster Universitetiniń rektorı Dr. Jean Paul van Marissingtiń qatnasıwında medicina tarawında birge islesiwdi jáne de bekkemlewge qaratılǵan qosımsha memorandumǵa qol qoyıldı.
Bul birge islesiwdiń tiykarǵı maqseti — Aralboyı klinikası shıpakerleriniń mamanlıǵın arttırıw, xalıqaralıq tájiriybelerdi engiziw hám sırt el qánigelerin zamanagóy klinikamızǵa tartıw arqalı medicinalıq xızmet sapasın bunnan bılay da arttırıwdan ibarat.
Sonday-aq, bul baslama Aralboyı regionında xalıqqa zamanagóy hám xalıqaralıq standartlarǵa sáykes medicinalıq xızmet kórsetiw imkaniyatların keńeytiwge xızmet etedi.
Bul birge islesiw mámleketimizde medicina tarawın rawajlandırıw, shıpakerlerdiń potencialın arttırıw hám húrmetli Prezidentimiz tárepinen densawlıqtı saqlaw sistemasında ámelge asırılıp atırǵan reformalardı qollap-quwatlaw jolındaǵı áhmiyetli qádemlerden biri bolıp esaplanadı.
