Ǵázzel múlkiniń sultanı Álisher Nawayınıń 584 jıllıǵına arnalǵan ilaj bolıp ótti
08.02.2025 ПоделитьсяBúgin, Qaraqalpaqstan medicina institutında ózbek ádebiy tiliniń tiykarın salıwshısı, shayır hám mámleketlik ǵayratker, ǵázzel múlkiniń sultanı Álisher Nawayınıń tuwılǵanına 584 jıl tolıwı múnásibeti menen ádebiy keshe shólkemlestirildi.
Keshege, Jaslar máseleleri, ruwxıylıq hám aǵartıwshılıq isleri boyınsha birinshi prorektorı Z.Aleuov, NMPI Ózbek ádebiyatı kafedrası docenti, filologiya ilimleri doktorı S.Matyakupov hám institutımızdıń assistenti V.Sultanova hám basqa tyutorlar, student-jaslar qatnastı.
Ádebiy keshede sózge shıqqanlar ullı danıshpan shayır hám oyshıl Álisher Nawayınıń ómiri hám dóretiwshiligi haqqında maǵlıwmatlar berdi.
Student-jaslar Nawayınıń qosıqları hám ǵázzellerinen úzindiler oqıdı.
Ótkerilgen keshede studentler shayır dóretiwshiligi menen baylanıslı ózlerin qızıqtırǵan sorawlarǵa juwaplar aldı.






