Ózbekstan Respublikası mámleketlik bayraǵı qabıl etilgeniniń 34 jıllıǵı
17.11.2025 Поделиться18-noyabr – Ózbekstan Respublikasınıń “Mámleketlik bayraǵı haqqında” ǵı nızamı qabıl etilgen kún. Usı sáne múnásibeti menen Qaraqalpaqstan medicina institutında saltanatlı ushırasıw hám bayram ilajı bolıp ótti.
Ilaj mámleketlik gimnler menen baslandı. Onda Qaraqalpaqstan Respublikası prokuraturası bólim prokurorı E.Adilov, instituttıń Ózbek tili, tiller hám jámieytlik pánler kafedrasınıń docenti T.Pirniyazova, Jaslar menen islesiw bóliminiń baslıǵı A.Ajiev, tyutorlar hám student-jaslar qatnastı.
Shıǵıp sóylegenler atap ótkenindey, 1991-jıl 18-noyabr kúni tastıyıqlanǵan mámleketlik bayraq – ǵárezsizligimiz, milliy qádiriyatlarımız hám xalqımızdıń iygilikli umtılıslarınıń ayqın tımsalı bolıp esaplanadı. Búgin Ózbekstan bayraǵı xalıqaralıq maydanlarda, diplomatiyalıq wákilxanalarda hám abıraylı jarıslarda jelbirep, Watanımızdıń abırayı hám xalqımızdıń maqtanıshın bildirip kelmekte.
️ Mámleketlik nıshanlar – ótmishimiz, búgimiz hám keleshegimizdiń muqaddes tımsalı.


