🌸 Qaraqalpaqstan medicina institutında 8-mart bayramı keń túrde belgilendi
07.03.2026 Поделиться
Qaraqalpaqstan medicina institutında 8-mart — Xalıqaralıq hayal-qızlar bayramı múnásibeti menen kóterińki ruwxta bayram ilajı bolıp ótti.
Ilajdı institut rektorı Olimbay Xalimov ashıp berip, institutta jumıs alıp barıp atırǵan barlıq hayal-qızlardı usı qutlı sáne menen qızǵın qutlıqladı. Óz qutlıqlawında ol hayal-qızlardıń jámiyetlik turmıstaǵı ornı, bilimlendiriw hám medicina tarawındaǵı pidákerlik miyneti jáne jas áwladtı tárbiyalawdaǵı sheksiz úlesin ayrıqsha atap ótti.
Sonday-aq, bayram múnásibeti menen institutta shólkemlestirilgen “Kewilli startlar” sport jarısında belsene qatnasıp, joqarı nátiyjelerge erisken komandalar hám óziniń nátiyjeli hám pidayı miyneti menen ajıralıp turǵan professor-oqıtıwshılar hám xızmetkerler sıylıqlandı.
💐 Ilaj dawamında hayal-qızlarǵa húrmet kórsetilip, jámáátte qızǵın hám bayram keypiyatı húkim súrdi.
