🏃 Qaraqalpaqstan medicina institutında 8-mart múnásibeti menen sport jarısları ótkerildi
06.03.2026 Поделиться
Qaraqalpaqstan medicina institutında 8-mart —Xalıqaralıq hayal-qızlar kúni múnásibeti menen professor-oqıtıwshılar hám xızmetkerler arasında sport jarısları sheńberinde “Quwnaq startlar” bellesiwi shólkemlestirildi.
Jarıstı institut rektorı O.A.Xalimov ashıp berip, barlıq qatnasıwshılardı bayram menen qızǵın qutlıqladı hám jámáátke bekkem densawlıq, baxıt-ıǵbal hám kásiplik jumıslarında úlken tabıslar tiledi.
Jarıs dawamında komandalar hár qıylı sport shártlerinde belsene qatnasıp, ózleriniń shaqqanlıǵı, jámáátlik awızbirshiligi hám sport sheberligin kórsetti. Bellesiwler kóterińki keypiyat, salamat báseki hám doslıq ortalıǵında ótti. Bul bolsa jámáát aǵzaları arasındaǵı awızbirshilikti jáne de bekkemlewge xızmet etti.
🏆 Jarıs juwmaqları boyınsha jeńimpazlar tómendegishe anıqlandı:
🥇 1-orın – Adminstraciya komandası
🥈 2-orın – Jámiyetlik pánler komandası
🥉 3-orın – Anatomiya komandası
🥉 3-orın – Gigiena komandası
🏅 4-orın – Xirurgiyalıq komanda
Esletip ótemiz, ballar teń bolǵanlıǵı sebepli Anatomiya hám Gigiena komandaları 3-orındı iyeledi.
👏 Barlıq qatnasıwshılardı qızǵın qutlıqlaymız! Olarǵa bekkem densawlıq, joqarı keypiyat hám jańa sport hám kásiplik jetiskenlikler tileymiz.
✨ Institutımızda bayram keypiyatı dawam etpekte!