💐 “Sizge tájim, áziz hayallar!”
06.03.2026 Поделиться
Kúni keshe Qaraqalpaqstan medicina institutı Balalar milliy medicina orayı Aralboyı klinikasında 8-mart – Xalıqaralıq hayal-qızlar bayramı múnásibeti menen “Sizge tájim, áziz hayal-qızlar!” atamasında bayram ilajı bolıp ótti.
Ilajda institut rektorı O.Xalimov shıǵıp sóylep, institut professor-oqıtıwshıları hám klinikanıń shıpaker hám xızmetkerlerin usı qutlı sáne menen qızǵın qutlıqladı. Ol óziniń shıǵıp sóylegen sózinde hayal-qızlardıń medicina tarawındaǵı sheksiz úlesi, nawqaslardıń salamatlıǵın saqlaw jolındaǵı pidákerlik miyneti hám jámááttegi nátiyjeli jumısı haqqında ayrıqsha toqtap ótti. Sonday-aq, qısqa waqıt ishinde klinika jámááti tárepinen xalıqqa kórsetilip atırǵan sapalı medicinalıq xızmetler xalıq tárepinen tán alınıp atırǵanı atap ótildi.
Sonday-aq, klinikanıń bas shıpakeri F.Xomidov ta ilaj qatnasıwshıların bayram menen qutlıqlap, jámáátte jumıs alıp barıp atırǵan hayal-qızlardıń juwapkershilikli miyneti, kásipke sadıqlıǵı hám nawqaslarǵa mehir menen xızmet etip atırǵanın joqarı bahaladı. Bayram múnásibeti menen óziniń pidákerlik miyneti, joqarı kásiplik sheberligi menen ajıralıp turǵan bir topar professor-oqıtıwshılar, shıpakerler hám xızmetkerler alǵısnama menen sıylıqlandı.
🌷 Ilaj dawamında hayal-qızlardıń jámiyet hám medicina tarawındaǵı ornı jáne bir márte tán alınıp, olardıń miyneti hám pidayılıǵı húrmet penen tilge alındı.
💐 Qaraqalpaqstan medicina institutı jámááti barlıq hayal-qızlardı 8-mart – Xalıqaralıq hayal-qızlar bayramı menen qızǵın qutlıqlaydı!
Institutimizda bayram keypiyatı húkim súrip, hayal-qızlarımızǵa baǵıshlanǵan itibar hám qızǵın qutlıqlawlar dawam etpekte.