🔹Qaraqalpaqstan medicina institutında MEDIA-TUR
18.09.2025 Поделиться
Qaraqalpaqstan medicina institutına dáslepki qádem taslaǵan 1-kurs student-jasların instituttıń jumısı menen jaqınnan tanıstırıw maqsetinde MEDIA-TUR shólkemlestirildi.
🩺 Medicina tarawına dáslepki qádem qoyǵan studentler institut klinikasında bir waqıttıń ózinde hám bilim alıw, hám ámeliyatqa qatnasıw imkaniyatları haqqında tolıq maǵlıwmatlarǵa iye boldı. Olar xirurgiyalıq ámeliyatlar processlerin baqlap, dual tálim tiykarında oqıw menen birge, real medicinalıq ortalıqta tájiriybe arttırıp atırǵan joqarı basqısh studentleriniń jumısın kózden ótkerdi.
📚 Media-tur dawamında studentlerge institutta jaratılǵan zamanagóy sharayatlar, klinikalıq bazalar, laboratoriyalar hám oqıw-metodikalıq imkaniyatlar haqqında prezentaciyalar ótkerildi. Jaslar instituttıń imkaniyatlarına úlken qızıǵıwshılıq bildirip, usınday abıraylı joqarı oqıw ornında bilim alıp atırǵanınan maqtanatuǵının bildirdi.
✨ Bul ilaj jańadan qabıl etilgen studentlerde shıpakerlik kásibine bolǵan mehir hám juwapkershilik sezimin jáne de kúsheytip, olardı bilim hám tájiriybeni únles halda iyelewge ilhamlandırdı.
